ရွှေဟင်္သာမောင်နှံ ငှက်ကယ် တို့

စာရေးသူနှင့် သဘာဝ ဟင်္သာ

စာရေးသူ၏အတွေးစဉ်က လွန်ခဲ့သောအနှစ်အစိတ် ကာလဆီသို့ ခေါ်ဆောင်သွားလေသည်။ စစ်ကိုင်းတောင်ခြေ ရှင်ဖြူ ရှင်လှဆိပ်မှ မန္တလေးဂေါဝိန်ဆိပ်သို့ ငှက်လှေ(သမ္ဗာန်)စီးကာ ဟင်္သာ ငှက်များရှိရာ သဲသောင်ပြင်များအနီးမှ ဖြတ်သန်းခဲ့ဖူးသည်။ ထိုစဉ်က မနီးမဝေးတွင် လှမ်းမြင်နေရသော ဟင်္သာငှက်များကို ပုံမရေးဖြစ်ခဲ့။ အကြောင်းကား အချိန်က ညနေလေးနာရီကျော်နေကျချိန်၊ မြင်နေရ သော မြင်ကွင်းက ဧရာဝတီမြစ်ပြင်ကျယ်ကျယ်နှင့် သဲသောင်ပြင်၊ အပေါ်မှမိုးကောင်းကင်ပြာပြာကြီး၊ ကိုယ့်နံဘေးမှာက ဘဝခရီးတွင် ကိုယ့်ကိုအားကိုးပြုစုလိုသောမိန်းကလေး။ ငှက်တစ်စင်းလုံးတွင်မှ သည်နှစ်ဦးနှင့် နောက်မှ ငှက်ခတ်သူဘကြီး။ သည်သုံးဦးမှလွဲ၍ အနီး ပတ်ဝန်းကျင်တွင် ကိုယ်က ကြည့်ရမည့်သူမရှိ်သလို၊ ကိုယ့်ကို ကြည့်နေ သူများလည်း မရှိ။ အလှမ်းဝေးဝေးနေရာဆီမှ တံငါလှေငယ်တစ်စင်း တလေ တွေ့ခဲကြုံခဲလှသည့် ဘဝင်ကြည်နူးဆွတ်ပျံ့ဖွယ်ရာ ရှုခင်းသာ၊ နှလုံးသားဖြင့် ခံစားနေရသော ဖဿဝေဒနာများကြောင့် သဘာဝ ဟင်္သာငှက်များကို လှမ်းမြင်နေရပါလျက် မရေးဆွဲဖြစ်ခဲ့။

တစ်ချိန်တွင် ဟင်္သာအကြောင်း ရေးမည့်သူ။ တကယ့် ဟင်္သာတို့ ပျော်လေရာ ငွေသောင်ယံနားရောက်ခဲ့ပါလျက် ဟင်္သာပုံ မရေးမမှတ်ဖြစ်ခဲ့သည့်အတွက် ဟင်္သာများဘက်မှ အပြစ်တင်ပါက ခံရ ရုံသာရှိပါသည်။

သဘာဝဟင်္သာငှက်သည် ဝမ်းဘဲမျိုးနွယ်သာဖြစ်၍ အသွင် အားဖြင့် ဝမ်းဘဲနှင့်တူသည်။ တောဘဲကဲ့သို့ပျံနိုင်သည့်စွမ်းအားရှိ သည်။ သဲသောင်ရေစပ်တွင် ဖိုမအစုံနေလေ့ရှိသည်။ တစ်ကောင်နှင့် တစ်ကောင် တွယ်တာတတ်၍ အချစ်သဲသော သတ္တဝါများစာရင်းတွင် ထည့်သွင်းရမည်ကဲ့သို့ရှိသည်။

'ဟင်္သာ'ကား မြန်မာတို့၏ အနုပညာနယ်ပယ်တွင် ရင်းနှီး လှသည်။ သဘာဝ ဟင်္သာငှက်ကို မြင်ဖူးတွေ့ဖူးသူ နည်းသည်သာရှိ မည်။ အနုပညာ ဟင်္သာကိုကား တွေ့ဖူးသူ များလေသည်။ စာပေ ကျမ်းဂန်နှင့် လက်မှုအနုပညာနယ်တွင် ရှာနိုင်၊ ရှာနိုင်သလို တွေ့နိုင် သည်။ ဗုဒ္ဓဘာသာစာပေကျမ်းဂန်များတွင် များစွာပါရှိသည်။ မာဂဓ ဘာသာ 'ဟံသ'သဒ္ဒါကိုစွဲ၍ မြန်မာလို'ဟင်္သာ'ဟုခေါ်ကြောင်း အသီတိနိပါတ်တော်တွင် ဟင်္သာခြောက်မျိုးဖော်ပြထားကာ ဓတရဋ္ဌ ဟင်္သာသည် အမြတ်ဆုံးဖြစ်ကြောင်းနှင့် ရှေးမွန်ဘုရင်တို့သည် ဟင်္သာ ကို အမြတ်တနိုးထား၍ ပူဇော်ခဲ့ကြောင်းကို မြန်မာသီချင်းကြီး တစ်ဆယ့်ငါးပုဒ်အဖွင့်၊ ဆဒ္ဒန်အိုင်သာ၊ အကျယ်ဖွင့်ဆိုချက်တွင် တွေ့မှတ်ရသည်။

ငါးရာ့ငါးဆယ်ဇာတ်ဝတ္ထုတော်တွင် သုဝဏ္ဏဟံသဇာတ်၊ ဝီနီလကဇာတ်၊ ကစ္ဆပဇာတ်၊ ဟံသဇာတ်၊ ပလာသဇာတ်၊ နေရူဇာတ်၊ ဇဝနဇာတ်၊ စူဠဟံသဇာတ်၊ မဟာဟံသဇာတ် စသည်များတွင် ဘုရား လောင်းဟင်္သာမင်းဘဝများကို နာရမှတ်ရလေသည်။ စက်လက္ခဏာ တော်(၁ဝ၈)ပါးတွင် 'ဥဒေါင်း၊ ကြိုးကြာ၊ ဟင်္သာ၊ စက္ကဝက်၊ ငှက်၏ အမျိုး၊ ဇီဝစိုးအစုံ . . .'စသည်ဖြင့် ပါရှိနေသည်။

ဖြစ်တော်ပေါင်းချုပ် ဘုရားရှိခိုးတွင်လည်း 'အစ ကြိုး ကြာ၊ ဆယ့်ခြောက်ခါနှင့်၊ ဟင်္သာကိုးဖြစ်'စသည်ဖြင့် ဘုရားအလောင်းတော် သည် 'ဟင်္သာအဖြစ်ကိုးကြိမ်ဖြစ်ခဲ့ဘူးသည်ကို သိမှတ်နိုင်လေသည်။

တစ်ဖန် စိန္တကျော်သူဦးသြ၏ သြဝါဒထူးပျို့ဆုံးမစာတွင် လည်း 'မတင့်တယ်ရာ၊ လူတို့ရွာတွင်၊ လဝါမဲ့ညဥ့်၊ တံပိုးမဲ့မြစ်၊ လည်ရစ် နွှဲကာ၊ ဟင်္သာမဲ့ကန်၊ တံခွန်မဲ့ငြား၊ စက်ရထားနှင့် . . .'စသည်ဖြင့် ဆိုညွှန်းထားသည်ကိုကြည့်ပါက ဟင်္သာမရှိသောကန်သည်လည်း လမဲ့ည၊ လှိုင်းမဲ့မြစ်၊ တံခွန်မဲ့ရထား၊ စသည်တို့ကဲ့သို့ မတင့်တယ်ဟု ဆိုထားလေသည်။ ဟင်္သာကား ဤမျှအချက်အချာကျလှလေသည်။ အမတ်ကြီးမင်းရာဇာသည် မွန်ဘာသာကဗျာကျမ်းမှ မြန်မာပြန်ဆိုခဲ့ သော ဟိတကာရီလင်္ကာ၌ သူရဿတီနတ်သမီးနှင့် ပတ်သက်၍ ဖွင့်ဆို ရာ၌ 'ဟင်္သာဖြူစင်၊ ယာဉ်ပေါ်တွင်၌၊ ဆင်းအင်ဖြူဆွတ်၊ ကိုယ်ရောင် မွတ်လျက်၊ ကြီးမြတ်ဥာဏ၊ ဘုန်းတေဇဖြင့်၊ လက်လှဘယ်ညာ၊ နှစ်ဖက်မှာကား၊ ပဒုမ္မာဖြူစိန်ရောင်တူကို၊ စွဲယူအံ့ဖွယ်၊ လွန်တင့်တယ် သည်၊ မိမယ်သူရဿတီနတ်'စသည်ဖြင့်တွေ့ရပြန်ပေသည်။

ရှေးခေတ်သီချင်းကြီး သီချင်းခံများကိုရေးစပ်ခဲ့ကြသော စာဆိုတော်ကြီးများကလည်း ဟင်္သာကိုအလေးအနက်နေရာပေးကာ ဖွဲ့ဆိုခဲ့ကြလေသည်။ ကလပ်ငယ်ကြိုးတွင် ဟင်္သာလေပျံကာသွား၊ ပိတုန်း ပိတုန်း ပျား၊ ရေပေါ်မှာလွှားပါလို့၊ ကြာဆံကို စားပါလို့၊ ဝဲကာ ပျံလေတည့်မှ ဝဲကာပျံ. . .' ။ မြဝတီမင်းကြီး ရေးသော မင်းခမ်းတော်စုံ ဘွဲ့တွင် 'ဟင်္သာရောင်မောင်းဥဒေါင်းကရဝိတ်မွန်နယ်မှာ၊ ရှားစေးလဲ့ ဝှန်၊ မွှေးလွန်နံ့သာ ထည့်ပါလို့လေး'။ ဘုန်းဘွဲ့ပတ်ပျိုးတွင်မူ 'ငှက်မွန် ဆင်းဝါ၊ ဟံသာရွှေမုခါ'။ နတ်ကြီးဆယ့်ငါးပါးဘွဲ့တွင်လည်း ဗိဿနိုး၊ ဂဠုန်၊ ဟင်္သာဘုံ ရှစ်စုံ ဗြဟ္မာမြန်းသည်နှင့်လေး . . .။' မင်းသိင်္ဂီရေး သိင်္ဂါသံတွင် 'အတောင်ငယ်ယှဉ်နွှဲ၊ ရွှေလည်တွဲပါလို့၊ ဝမ်းဘဲပမာ၊ ရွှေဟင်္သာသို့၊ မကွာအတူ၊ ပါတော်မူ၊ နန်းသူမိငယ် . . .' စသည်ဖြင့် မြန်မာတို့၏ကြိုး၊ ဘွဲ့၊ သီချင်းခံ၊ တေးဂီတနယ်တွင်လည်း ရှေးရှေးမှ သည် မျက်မှောက် ခေတ်တိုင် ရွှေဟင်္သာများပျံဝဲလျက်ရှိသည်။ (ဥပမာ စတီရီယိုတေး၊ စိုင်းထီးဆိုင်၏ ပျံသာပျံပါရွှေဟင်္သာရယ်)။ စီးပွားရေး ကြော်ငြာအမှတ်တံဆိပ်များတွင်လည်း ဟင်္သာမပါမပြီးသလောက်၊ ပဲခူးမြို့ ရွှေမောဓောဘုရားအနီးဟင်္သာကုန်းတွင် အဖိုပေါ်အမထပ်ကာ နားနေဟန်ရှိ ဟင်္သာမောင်နှံအရုပ်ရှိလေသည်။ ပဲခူးတိုင်း၊ မြို့နယ် သမဝါယမအသင်းစုသည် ထိုထင်ရှားလှသော အချစ်သည်းလှသော ရွှေဟင်္သာမောင်နှံကိုပင် အမှတ်တံဆိပ်ပြုလုပ်ထားလေသည်။ မြန်မာ့ ထုတ်ကုန်သွင်းကုန်ကော်ပိုရေးရှင်းသည် ရွှေဟင်္သာကွမ်းအုပ်တော်ပုံ ဖြင့် အမှတ်အသားပြုကာ နိုင်ငံတကာနှင့်ကုန်သွယ်လျက်ရှိသည်။ အနုပညာနယ်တွင်း၌လည်း နေရာအမျိုးမျိုးတွင် ဂုဏ် ဆောင်လျက်ရှိကြောင်း စာရေးသူ ပူးတွဲတင်ပြသည့်ပုံများကို ကြည့်က သိသာနိုင်ပေမည်။

ထိုမှ ဤမှ ဟင်္သာများ

ပုံများကို ရှေ့နောက်ထားသိုစီစဉ်လိုက်သည့်အခါ ပုဂံခေတ် ဆိုင်ရာဟင်္သာ(ပန်းတော့၊ ပန်းတမော့၊ ပန်းချီ)ပုံများကို ဦးစွာတင်ပြ လိုသည်။ ပုဂံခေတ်ဆိုင်ရာဟင်္သာပုံများတွင်

ပုံ ၁။ မနူဟာမင်းတည်ခဲ့ သော နန်းဘုရားမှကျောက်ဆစ်ဖောင်းပန်း(ဆက်ပန်း)မှ ထုတ်နုတ် ဖော်ပြလိုသည်။ ထင်ရှားကျော်ကြား၍ လှပသည့်အဝိုင်းသဏ္ဌာန် များဖွဲ့ထားသော ဟင်္သာပန်းကိုက်ဖြစ်သည်။

ပုံ ၃။ပုဂံပြတိုက်အတွင်းမှဟင်္သာမောင်နှံကျောက်ဆစ် ရုပ်ကြွပင်ဖြစ်သည်။ခေတ်ဒီဇိုင်းဆရာများ အလွန်ကြိုက် သည့်ဖွဲ့စည်း ဟန်တစ်ခုဖြစ်သည်။ တစ်ကိုယ်တည်းခေါင်းနှစ်လုံး (နှစ်ကိုယ့် တစ်စိတ်) နှစ်ကောင်လည်းဟုတ်၊ တစ်ကောင်လည်းဟုတ် ပုံစံမျိုး။ ဒီဇိုင်းသဘောအရလည်း တိကျသော နှစ်ဖက်ညီ၊ အလေးချိန် ညီ ဒီဇိုင်းမျိုးဖြစ်၍ အမှတ်တံဆိပ်ပြုရန် ကောင်းသည့် ပုံမျိုး ဖြစ်သည်။

ပုံ ၄။ပုဂံလောကထိပ်ပန်နံရံပန်းချီဖွားတော်မူခန်း၊ မယ်တော်မာယာ၏ထဘီအဆင်ပိုင်းများမှဟင်္သာဖြစ်သည်။ အဝိုင်းအကွက် အဆင်ကွက် များအတွင်း အနုစိတ်လှပ၍နေသည်။

ပုံ ၅။ ညောင်ဦးအရှေ့ ချောက်ဖလ ကုန်းတော်ကြီးဘုရား၏ မြိုင်ဆိုင်လှပသောနံရံပန်းချီမျက်နှာကျက် (ကျက်တငိုယ်)မှ ဟင်္သာလည်ယှတ်အဝိုင်းပုံဖြစ်သည်။

ပုံ ၆။ပုဂံထီးလိုမင်းလိုဘုရားကြီး၏အနောက်ဘက် ဘုရား ငါးဆူအစုနံရံပန်းချီမှဖြစ်၏။အမြီးပိုင်းတွင် ပုဂံကနုတ်ပန်းတက်များ ကွန့်ရန်နေရာရှိငြားလည်းမကွန့်။ပုဂံခေတ်ဆိုင်ရာဟင်္သာများ တင်ပြရန်ပေါများလှသည်။ သို့သော်အင်းဝခေတ်ဆိုင်ရာကား အတွေ့နည်းလှသည်။

ပုံ ၇။မကြာသေးမီလပိုင်းအတွင်းကဆရာတော် ဦးသော ဘိတ (ရွှေကိုင်းသား) သီတင်းသုံးတော်မူရာ စစ်ကိုင်းတောင်ရိ်ုး အနုရုဒ္ဓါရုံကျောင်းသို့ ရောက် ခဲ့ရာ လွန်ခဲ့သောနှစ်၎ဝကျော်ခန့်က ကျောက်စာဌာနပန်းချီဆရာ ဦးထွန်းလှိုင်အဖြစ် ဆရာတော်ရေးမှတ် ခဲ့သည့် ရှားပါးဟင်္သာပုံတစ်ပုံ ရခဲ့၍ ဝမ်းသာမိလှသည်။ ထိုခေတ် ၂ပြားတန်မှတ်စုငယ်အတွင်းမှသေသေသပ်သပ်နှင့် သေးငယ်စွာ ရေးမှတ်ခဲ့သောပုံတစ်ပုံဖြစ်သည်။ ညောင်ဦးရွှေစည်းခုံ ဘုရား အရှေ့ စောင်းတန်းအနီးရှိ ဟံသာဝတီ ဆင်ဖြူရှင်ကောင်းမှုခေါင်းလောင်းကြီး ခေါင်းလောင်းဆွဲ (ပုစွန်တုပ် ကွေး)နေရာမှဖြစ်၏။ ထိုမှတ်စုအတွင်းမှ ပုံစံငယ်ရေးဆွဲစဉ်ကပန်းချီဆရာဦးထွန်းလှိုင်မှာအသက်၂ဝပင် ရှိသေးသည်။ ဆရာတော်၏ငယ်မူလက်ရာမှတစ်ဆင့် ကူးယူဖော်ပြရ၍ စာရေးသူ ဦးတင်၍ ဝမ်းသာမိသည်။ ခေါင်းလောင်းဆွဲနေရာတွင် ခြင်္သေ့၊မနုဿီဟသာများလှ၍ဟင်္သာပုံကားရှားလှသည်။ နေရာနှင့် လိုက်လျောညီ၍ ကနုတ်မှာကား ပုဂံခေတ်ကနုတ်ဟန်ပင်ဖြစ်သည်။

ပုံ ၈။အင်းဝခေတ်ပိုင်းဆိုင်ရာစစ်ကိုင်းတိလောက ဂရုနံရံ ဆေးရေးပန်းချီခိုနန်းကွက်များအတွင်းမှဖြစ်သည်။ ကိုယ်ထည်လှပ သော်လည်းအမြီးတွင်ကနုတ်တုတ်ခိုင်၍နေသည်။ကြွားကြွား ရားရား ရှိသည်။

ပုံ ၉။ကုန်းဘောင်ခေတ်ဦးနှင့်ခေတ်လယ်ခန့်တွင် များစွာ ခေတ်စားခဲ့သော ရွှေဇဝါ ယွန်းပေစာကျမ်းဖုံးနှစ်ခုမှဖြစ်ပြီး ပုံ(က)မှာ စာရေးသူထံရှိသည့်ပုံဖြစ်ပြီးပုံ(ခ)မှာ ပန်းချီဆရာမောင်ဆေးရိုး အနေဖြင့် စစ်ကိုင်း၊ ရွာသစ်ကြီးလောင်းဦးမော်ပိဋကတ်တိုက်မှ ရေးကူးခဲ့သောပုံဖြစ်သည်။ အဝိုင်းကွက်များနှင့် လိုက် လျောညီထွေ ချစ်စရာကောင်းလှပေ၏။

ပုံ ၁ဝ။သမိုင်းတန်ဖိုးနှင့် ရွှေတန် ဖိုးပါ မြင့်မားလှသော နန်းစဉ် ပစ္စည်းများမှ ရွှေဟင်္သာအုပ်ဖြစ်သည်။ လန်ဒန်မြို့ရှိ ဗစ်တိုရီးယား အင် အယ်လဘတ်မြူစီယမ်'ပြတိုက်ကြီးသို့ရောက်ရှိနေသော မြန်မာ့ နန်းစဉ် သမိ်ုင်းဝင် ပစ္စည်းပေါင်းများစွာကို လွန်ခဲ့သော ၁၃နှစ်ခန့်က နိုင်ငံတော်သမ္မတကြီးပြန်လည်လက်ခံခဲ့သောပစ္စည်းများတွင် တစ်ခုအပါအဝင်ဖြစ်လေ သည်။ နိုင်ငံတကာကုန်စည်ပြပွဲများတွင် ပါဝင်ပြသခဲ့သော မြန်မာ နိုင်ငံပြခန်းများ၏ အချက်အချာ နေရာတို့၌ ပုံတူဖော်ပြလေ့ရှိခဲ့သည်။ပုံသဏ္ဌာန်အားဖြင့် အမောက်နှင့်အမြီး ကနုတ်ညွန့်များအားနည်းသော်လည်းသူ့ဟန်နှင့်သူ ညီညွတ်နေလေ သည်။

ပုံ ၁၁။ အမရပူရမြို့နယ် တံခွန်တိုင်ကျေးရွာ၊ ရှင်ပင် ချမ်း သာ ကြီး ဘုရားရှိ အင်္ဂတေပန်းကြွကုန်းဘောင်ခေတ်လယ် ပန်းတော့လက်ရာဟင်္သာကွက်ဆက်များမှဖြစ်သည်။အနုစိတ်နည်း သော်လည်း ကြော့ကြော့မော့မော့နှင့် လှုပ်ရှား နေဟန်ရှိနေသည်။ အကွက်ပေါင်းများစွာဆက်တန်းနေသည့်အခါ ကြည့်ကောင်းလှပေ သည်။

ပုံ၁၂။ဟင်္သာအလေးများဖြစ်သည်။ ကုန်းဘောင်ခေတ် နှောင်းပိုင်းမှ ယနေ့တိုင်နေရာအနှံ့သုံးစွဲချက်ရှိ၍ မြန်မာမိသားစု နှင့်အနီးစပ်ဆုံး ဟင်္သာများဖြစ်သည်။ ဟင်္သာပင်ဖြစ်လင့် ကစား ပုံဟန်အမျိုးမျိုးဖြင့် ခြားနားစွာရှိနေသည်ကို တွေ့ရသည်။ အသုံးချမှု နှင့်အနုပညာပေါင်းစပ်မှုများ ညီညွတ်၍ အားကောင်းလှ သည်။ ယင်းပုံတော်တော်များများကိုမန္တလေးတမ္ပဝတီကိုဝင်းမောင် (ပန်းချီ၊ပန်းပု)စုဆောင်းထားသည်မှ ရေးကူးခဲ့သည်။ ကိုဝင်းမောင် သည် စာရေးသူကဲ့သို့ ရိုးရာဒီဇိုင်းစုဆောင်းရုံမျှမက ရှားပါးရှေးဟောင်း ပစ္စည်းများကို လေ့လာစုဆောင်းထားနိုင်သူဖြစ်သည်။ မြတ်နိုး၊ ထိန်းသိမ်း၊ စုဆောင်းသူအဆင့်မျှမကဘဲ လမ်းရိုးဟောင်းတွင် ဆင့်ကာ ထွင်နိုင်သော၊ ဖန်တီးနိုင်သော ဖန်တီးသူ ပန်းချီ၊ ပန်းပု လူငယ်ပညာရှင် လည်းဖြစ်သည်။ အဟောင်းကိုရှာတတ်သည့် လုံ့လအမြင်ရှိသည်နှင့် အမျှ မိမိထံရှိသည်ကိုလည်း လိုသူအားပေးတတ်ကာ၊ မြတ်နိုးတတ်သူ များအား စနစ်တကျတင်ပြတတ်သူလည်းဖြစ်သည်။ စာရေးသူ၏ ဆောင်းပါးများတွင် သူ၏ကျေးဇူးများစွာပါရှိ၍ နေသည်။

ဟင်္သာလေး များတွင် ပုံ(က)သည် ဂီတနှင့် အဆိုအက သင်တန်းကျောင်း(ရန်ကုန်)စန္ဒရားနည်းပြဆရာ ဦးသိန်းမောင်ထံမှ ကူးယူ၍(ဃ)နှင့်(င)သည် တောင်တွင်းကြီးပြတိုက် မှဖြစ်သည်။

ပုံ၁၃။ နိုင်ငံ တော်စာကြည့်တိုက် နှင့် ပြတိုက်(မန္တလေး)ရှိ ရတနာပုံခေတ် လွန်းရာကျ အချိတ်ဟင်္သာ ဖြစ်သည်။ ပေ၊ ပုရပိုက် ထုလုပ်ရာတွင် သုံးဟန်ရှိ သည်။ တွေ့ရခဲသော ရှားပါးပစ္စည်းဖြစ်လေ သည်။

ပုံ ၁၄။ မတ္တရာမြို့ရှိ ပြတိုက်အတွင်း ဟင်္သာအုပ်ကို စာရေးဆရာညိုချော ရိုက်ကူးခဲ့သည့် ဓာတ်ပုံမှတဆင့် ကူးယူရေးဆွဲ ပါသည်။ ချစ်စရာဟင်္သာအုပ်ငယ်ပင်။

ပုံ ၁၅။ ပန်းချီဆရာ ဦးအောင်ခင်ထံမှ ကူးယူရရှိသော ဆရာဦးဘဥာဏ်၏ ဟင်္သာပုံဖြစ် သည်။ ဗာလီကွေးကနုတ်ညွန့်များ မြိုင်ဆိုင်လှပေသည်။ ပါသင့်ပါထိုက် သော ကနုတ်တက်များ ပြည့်စုံနေ၏။

ပုံ ၁၆။ မြန်မာမှုစာရေးဆရာသုတေသီမြင့်ထွန်း ထံမှ ရရှိခဲ့သော မွန်ဟင်္သာကြေးရုပ်ပုံဖြစ်သည်။ ဟင်္သာပန်းမကိုက်ပဲ ထူးခြားစွာ မြွေကိုက်နေဟန်ဖြစ်သည်။ နယ်ချဲ့ ဆန့်ကျင်ရေးတိုက်ပွဲ တွင် မွန်အမျိုးသားများ၏အလံတိုင် ထိပ်ဖူးနေရာ တွင် သုံးခဲ့သည်။ အရုပ်ငယ်ဟုဆိုသည်။ အမြင်ဆန်း၍ နေလေသည်။

ပုံ ၁၇။ မန္တလေးမဟာမုနိဘုရားအနီးမှ ဟင်္သာတိုင် တစ်ခုဖြစ်သည်။ ဤသို့သောဟင်္သာတိုင်များ မြန်မာပြည်အရပ်ရပ်တွင် မြင်တွေ့နိုင်ပေ သည်။ နှုတ်သီးမှသည် အမြီးဖျားထိ ကြော့ကြော့ မော့မော့နှင့် အမြင် သွက်၍နေသည်။ တံခွန်တိုင်ထိပ်တွင် အမြီးကနုတ် ကို လွတ်လွတ် လပ်လပ်နှင့် လူကာလွင့်ကာ နေရာယူ၍ထား လေသည်။ သာသနိက အဆောက်အအုံတို့ ပတ်ဝန်းကျင်တွင် တင့်တယ် လှပေသည်။

နီးလျက်နှင့် မမြင်မိသည်များလည်းရှိသည် ထိုမှ ဤမှ အနုပညာဟင်္သာများကား များပြားလှသည်။ စာရေးသူနှင့် နီးနီးတွင် ပျံဝဲနေသည်များ ရှိသကဲ့သို့ ဝေးရာအရပ်တွင် ပျံဝဲနေသည်များလည်းရှိသည်။ အချို့မှာ နီးလျက်နှင့် စာရေးသူ မမြင်မိ သည်များလည်း ရှိနေသည်။

တစ်ကြိမ် တစ်ကြိမ် အစုလိုက် စုစည်းတင်ပြရခြင်းသာ ဖြစ်၍ ပြည့်စုံသည်ဟူ၍ကား မဟုတ်ပါချေ။ အကြောင်းအားလျော်စွာ မထည့်လိုက်ရသည်များလည်းရှိပါ၏။ မည်သို့ပင်ဖြစ်စေ ခေတ် အဆက်ဆက် အနုပညာရှင်တို့ လေးနက်မြတ်နိုးစွာ အမျိုးမျိုးဖွဲ့နွဲ့ ခဲ့ကြသည့်ဟင်္သာများကို အနုပညာစေတနာအခြေခံကာ လေ့လာ စုဆောင်းတင်ပြခြင်းသာဖြစ်ပါ၏။

ဤမှန်သော အနုပညာစေတနာကို ထောက်ထားသော အားဖြင့် တစ်ချိန်က ငွေသောင်ယံတွင်လည်ချင်းယှက်တွဲလျက်ရှိခဲ့ ကြသော သဘာဝဟင်္သာများကို မရေးဆွဲဖြစ်ခဲ့သည့်စာရေးသူအား ဟင်္သာများဘက်မှ ခွင့်လွှတ်က ရအံ့ထင်ပါ၏။

ပုံ (၁)	ပုံ (၂)	ပုံ (၃)	ပုံ (၄)	ပုံ (၅)
ပုံ (၆)	ပုံ (၇)	ပုံ (၈)	ပုံ (၉)	ပုံ (၁၀)
ပုံ (၁၁)	ပုံ (၁၂)	ပုံ (၁၃)	ပုံ (၁၄)	ပုံ (၁၅)
ပုံ (၁၆)	ပုံ (၁၇)

   မောင်အေးမြင့်
(မြန်မာ့ရိုးရာဒီဇိုင်း)

Back To Top